Повик за практикантска работа за млади Роми

Објавува повик за ангажирање практиканти во компании, главната цел на практикантската работа е професионален развој на млади Роми кои ќе се стекнат со практично искуство и знаење за работата.

Практикантите ќе бидат вклучени во секојдневните активности во компаниите, со можност за директно учење и практична работа со професионалци од различни области.

Практикантската работа е платена и финансиски поддржана од РЕДИ, согласно важечките законски прописи и буџетот на организацијата.

Практикантската работа ќе трае 3 месеци, со работно време од 4–8 часа дневно. Активностите ќе се реализираат во различни градови во зависност од потребите на партнерските институции и компании.

Одговорности и Активности

• Вклучување во секојдневните работни процеси во зависност од дејноста на компанијата/институцијата;

• Поддршка на тимот во административни, оперативни или организациски активности;

• Работа со документација, податоци и основни дигитални алатки (Excel, Word и сл.);

• Комуникација со клиенти, корисници или внатрешни тимови (во зависност од позицијата);

• Поддршка при реализација на проекти, активности или услуги на компанијата;

• Учество во тимска работа и стекнување практични работни вештини;

• Извршување на други задачи поврзани со работниот процес, согласно менторска насока.

Квалификации

• Да биде активен студент или лице со завршено образование;

• Предност ќе имаат кандидати со образование во областа на економија, финансии, банкарство, менаџмент, јавни политики, администрација или сродни области;

• Основно или добро познавање на англиски јазик;

• Познавање на Microsoft Office (особено Excel);

• Да биде припадник на ромската заедница;

• Организациски, аналитички и комуникациски вештини;

• Подготвеност за учење, развој и преземање иницијатива;

· Одговорен и професионален однос кон работните задачи.

###

Лични вештини: самоиницијативност и одговорност, ориентирани кон резултати, фокусирани на постојано подобрување, грижа за квалитет, ефикасност и точност, приспособливост, самоуправување и развој, организациска адаптација, отворен за работа во различни средини, интегритет, лојалност и добра волја, дискреција, независност и доверба, почитување на различностите.

Критериуми за избор

Кандидатите ќе се избираат преку натпреварувачки процес врз основа на соодветноста на кандидатот, минатото искуство и мотивацијата. Избраните кандидати ќе бидат повикани на интервју.

Како да аплицирате?

Апликациите може да се достават на македонски или англиски јазик.

Потребни документи:

• CV – PDF или Word формат

• Мотивациско писмо – PDF или Word формат (максимум 700 зборови)

Во мотивациското писмо потребно е да одговорите на следните прашања:

• Како оваа практикантска работа ќе придонесе за вашиот личен и професионален развој?

• Кои се вашите главни вештини и интереси?

• Во кои области сакате дополнително да се развивате?

• Дали имате претходно искуство релевантно за оваа позиција?

• Како го гледате развојот на ромското претприемништво и вработување во вашата заедница?

📧 redimk@redi-ngo.eu

📍 Црвена Вода бр. 37, 1000 Скопје

📞 +389 76 260 605

Рок за аплицирање: 16.06.2026